OCCAM’S RAZOR

happy 15th anniversary mylabopmayn! yung daing na bangus na ulam namin ngayong week ay further proof ng matagal ko nang paniniwala – the simple things in life are the ones that provide the greatest pleasures. minsan sa sobrang kasimplihan, you take them for granted. but in your heart of hearts you know that they are the ones that matter the most. sa pagsasama namin bilang mag-asawa ni jet, ito ang isa sa pinaka importanteng lesson. hindi ko naman sinasabi na ang pagsasama namin ay parang daing na bangus. ang point ko ay ito: una – ang mga simpleng bagay sa relationship namin ang nagbibigay sa akin ng pinakamalaking satisfaction. ikalawa – pag pala ginawa mong uncomplicated ang pagsasama ninyo, malayo ang inyong mararating. kung mapapansin ninyo siguro, naka instrospective senti mode ako ngayon. hindi ko mapigilan kasi major milestone ang araw na ito para sa aming mag-asawa: 15th wedding anniversary kasi namin ngayon.

happy 15th anniversary mylabopmayn! ano ang natutunan ko itong 15 years? marami. natuto akong tumingin sa buhay with a new set of eyes. dati ako’y duling. ngayon banlag na lang. ang maganda kasi sa amin ni jet ay nagsimula kami sa wala – although siyempre suwerte si jet dahil ang napangasawa niya ay matalino, marunong sa buhay, guwapo, makisig, matangkad pero mahilig magsinungaling. hehehe. medyo corny siguro sa pandinig ng iba na kaya kami nag-asawa ay dahil mahal namin ang isa’t isa pero you can’t beat the fact na nakatagal na kami ng 15 years.

malaking tulong din sa relationship namin na tumira kami sa labas ng pilipinas. 5 years na kaming out of the country. ano ba ang pagkakaiba kung nakatira ka sa labas ng pilipinas? malaki. malaking malaki. dito kasi, walang tutulong sa iyo. hindi ka pwedeng tumakbo sa mga magulang mo para humingi ng saklolo. walang katulong na magaasikaso ng mga gawain sa bahay. pag nag-away kayong mag-asawa, wala kang pupuntahang iba kaya sisiguraduhin mo na bati na kayo bago matulog. wala kaming anak ni jet kaya kaming dalawa lang talaga. lahat ng mga dumating na mga pagsubok at lahat ng mga mabuting nangyari – kaming dalawa ang humarap nito. it has made us stronger and closer.

pag pala tumatanda ka na, ang gusto mo na lang sa buhay ay yung mga simpleng bagay. ayaw mo na ng karangyaan. kuntento ka na lang na gumising sa umaga na katabi mo sa kama ang asawa mo. maligaya ka na nagkakausap kayo ng regular at magkasabay kumain. masaya ka na paminsan minsan ay nanonood kayo ng sine o kumakain sa labas. sobrang kasimplehan lang ang gusto mo na ang idea mo of a good time ay manood ng TV habang nakahiga kayong dalawa sa masikip sa sofa (na sa sobrang sikip ay kung may isa sa inyong umutot ay matutumba kayong pareho sa sahig).

15 years after our wedding, nag-iba na ako. alam ko minsan, i take our marriage for granted dahil alam ko that it’s there. but more and more i am relying on our being together to get me through life. wala na akong expectations na malaki sa relationship namin kasi napatunayan ko nang lahat ng dapat patunayan. but i do value every small gesture. pag umuwi ako galing sa trabaho at may hinanda si jet na iced tea (na may ice siyempre) sa harap ng TV, nata-touch ako. pag napansin ni jet na inaantok ako at bigla siyang tatayo at magtitimpla ng tea or coffee, natutuwa ako. hindi ko na kailangan ngayon ng mga grandiose thingamajigs para ma-impress ako. simple acts of kindness lang ay ok na sa akin.

ang kaligayahan ko ngayon? simple lang: ang makita na maligaya ang asawa ko. happy anniversary mylab. maraming salamat at pinagtiyagaan mo ako ng 15 years. lab U!

65 thoughts on “OCCAM’S RAZOR

  1. hapi anibersari po sa inyong dalawa! kunyari may glass of wine (or beer) ako dito sa opisina. virtual toast!

    here’s to several more sets of 15. 🙂

  2. maraming salamat sa bati pareng eder. kamusta na kayo diyan? miss ko na ang mga labas natin. sana nga nariyan kami sa singapore para makapag bintan. baka mga next year ay makadalaw kami ni jet on the way to manila.

    ingat pre.

Leave a Reply

Your email address will not be published. Required fields are marked *