MERELY BY CHANCE, VERY UNSUSPECTING

MERELY BY CHANCE, VERY UNSUSPECTING medyo masaya ako ngayon. bakit? por a lot of reasons: pers – may booking na kami sa pag uwi namin sa pilipinas sa december. actually nung july pa. dito kasi sa singapore, dapat june-july pa lang bilhin mo na ang ticket mo pauwi dahil pare-pareho kayo ng iniisip ng kulang kulang 100 libong pinoy na nakatira dito: ito ay ang umuwi during the “christmas window” (december 18-24). pag di ka nakabili ng maaga, sa pasko ng intsik ka na makakauwi. hehe. maiba ako: ang alphabet ng bahasa malay at indonesia ay may magandang convention – may characteristic property ang letters “k” at “c” sa pagbigkas ng mga salita nila. ang pronunciation ng “k” ay tulad ng “k” ng mga pinoy. por eksampol “kupal”. yung “c” ang kakaiba kasi ang pagbigkas nito ay “ch”. kaya sa indonesia, ang spelling ng “catsup” ay “kecap”. hehe. actually, “kecap” means “to taste” in bahasa. wala tayong “c” and “k” convention, kaya kadalasan nakokonvert ang “ch” sound into “ts” – as in “tsinelas” “tsamba”, etc. eto ngayon: kung nasa jakarta ka, tapos may lumapit sa iyo at sinabing “cucupain kita”, eh kabahan ka na. bakit ko ba nasabi ito?

wala lang, matagal na kasi naming gustong tumawid ni jet papunta sa bintan, indonesia. ito ay isang resort island malapit sa singapore. sandali lang ang biyahe (mga 40 minutes ata by ferry boat). isa pang kaya ako masaya (ang haba ng kwento ko no? dito lang pala napunta) eh baka (sana) matuloy ito sa katapusan ng buwan. kung hindi sa bintan, eh baka road trip sa malaysia. by car siyempre – kasi road trip nga eh. hehehe. gago!

ikalawa – nakapag swimming na rin kami sa wakas dito sa singapore after more than 3 years. hehe. hindi naman ito ibig sabihin na hindi ako naliligo (FYI: twice a day akong gumogoli ang pa defensive na reply ko). sa tutuo lang, ang tagal na namin dito kahapon lang kami nakalangoy ni jet sa pool. nagpunta kami sa sentosa. pero hindi kami doon nag swimming. doon lang kami nag lunch na may dos at kodakan, kasama siyempre si spiderman. pagtapos noon, dumiretso kami sa condo nina christine at ronald at doon kami nag swimming sa pool nila (SEE PICS HERE). enjoy kami. buti na lang hindi umulan – siguradong mababasa ako.

doon na rin kami nag dinner. umorder kami ng pagkamahal (pero ubod ng sarap) na crispy pata. sa sobrang sarap, pati muslim siguro mapapakain nito. ay sorry po. baka may nagbabasa nitong brother natin, eh gawan ako ng jihad. kwentong tambay lang, walang personalan ha. anyway, enjoy po kami sa company ninyo leah and eder, christine and ronald. sana di kayo magsawang maglibre sa amin ni jet. oo nga pala, ang sarap ng niluto nina eder at leah na pakbit at adobo.

ikatlong dahilan kung bakit ako masaya – nag upgrade ako ng bisikleta. nasira kasi ang luma kong bike tapos sinisingil ako ng almost $100 para sa repair. eh $300 ang bili ko doon. parang lugi ata. tinanong ko kung pwedeng mag upgrade. parang bigla akong nakarinig ng “KA-CHING” (nagbukas na cash register in the shop owner’s mind). pwede raw sabi ng nagtitinda at nagsimula nang mag sales talk. “i think i need a better bike” ang sabi ko. “KA-CHING”, ang sagot niya sabay turo sa akin sa isang bike na nakapag palaway sa akin. in the end, natalo ang control kili-kili powers ko at na “KA-CHING” ako. pero ang good news ay: i’ve got a much better bike. pwede nang pang long distance at di na nakakahiyang i-display. baka sumama nga ako sa grupo ng bike shop owner this saturday evening for my first long distance singapore biking road trip. excited na nga ako. hopefully, kakayanin ng aking 38 year old body. pwede siguro. tutal pang ex-macho dancer, now a gigolo naman ang katawan ko ngayon. hehe.

34 thoughts on “MERELY BY CHANCE, VERY UNSUSPECTING

  1. Paano ba ang tamang tawa dito, bwahahhahaha… ke dami-daming sampol KUPAL pa ang napili nyaahhahahah/ Tska yung cucupain bwahhahahahahahahah, bwhahhahahahha,masarap siguro yun. Baka malagutan ako ng hininga sa kakatawa dito hahahhahahahaha. Haaay buhay salamat at may G_G_ na bloggers na nagpapatawa at panandialiang nagbibigay ng pagkalimot ng problema sa abroad (ang reply ni Dzune: Kakatanggal ko lang work this time, date and place).

    Salamt sa kwentong walang kwenta (kwentong tambay nga ang gago ko talaga) Peaceeee….

  2. the pleasure is ours. šŸ™‚ masaya kami nagh-host ng bisita ni R sa bahay. sya rin, tuwang-tuwa na nakapag picnic and swimming kami kasama kayo.

    sana may susunod na gimik ulit. sama kami ha. šŸ™‚

    p.s. pa-download ng pics ha, gusto ko yung kuha namin sa pool. thanks! šŸ˜€

  3. hi tin.

    ang galing kong kumuha ano? ang gaganda ng dating ninyong tatlo ni leah at jet. hehe. salamat ulit sa pag host ninyo sa amin. next time – road trip naman sa malaysia pagtapos ng karaoke. hehe.

    kamusta na lang kay “R”

  4. Uuwi kayo sa pasko? Salamat matutuloy na din ang 6-pack at bbq usapan natin nina Tito Rolly, Jardine, atbp. Magluluto daw yata ng tapa si Ate Sassy. Tama ba pagkadinig ko? šŸ™‚

    O/T: Thanks dun sa robots. I’ll blog that this week. Yun padala ko sa inyo ni Tito Rolly, nalagot ang link, di ko na makita ulet. Pasensya na.

  5. ok lang dzune, at least di pa tapos, natawa ka na.

    doc emer. hehehe… aba, sagot ko nang mahigit sa 6-pack at sasarapan ko pa ang bbq at pepper steak ko. doon tayo sa garden ko sa antipolo para malamig. masarap ng beer pag malamig ang panahon. sabihin mo kay ate sassy, sarapan ang tapa.

  6. Fafa, bigla ko tuloy naalala yung kantang “Happy Man” ng Chicago. Gustong-gusto ko pa naman yun!

    Sarap ng outing nyo. Happy ako at naipasyal mo si Ateng para makasagap ng sariwang hangin. She needs that once in a while šŸ™‚

    (Pakanta-kanta ng “happy man”)

  7. dito din jay, kay hirap magreserve ng tix kaya july pa nga lang nag-rereserve ka na. di naman daw masyadong puno ang biyahe from here pero pagdating sa japan or singapore or taiwan to philippines, doon na fully booked. noong pumunta ako ng jakarta last year, bet Nov & Dec, doon naman full kasi ramadan pala sa jakarta. ba’t ganoon? daming teenagers na indonesians galing singapore?

  8. Boss Batjay! Long time no visit dito. So here I am, spending company time catching up on the latest with you and Mrs. Batjay. E mas maganda naman basahin ang site mo kesa sa mga bad news sa Pinas. I had a good laugh, especially doon sa Koreano entry. Your site made my day! šŸ™‚

  9. Congratulations sa bagong bike! Okay na exercise ‘yan. Mas inspired ang exercise mo dahil mas maganda na bike mo!

    Very timely ang post mo para sa akin. I’m going to Malaysia tomorrow so babasahin kong maigi ang mga signs at susubukan bigkasin in the presence of my colleagues. Magyayabang ng kaunti. Ahehehe. Loko lang!

  10. hi toni.

    since aalis ka na, ikaw ang uunahin ko. here are some bahasa malay words that will come in handy:

    thank you – “terimah kasih”
    you’re welcome – “sama sama”
    good morning – “selamat pagih”
    good evening – “selamat malam”
    open the door – “buka pintu”
    you’re crazy – “raulu”

    memorize these (except the last one dahil imbento ko lang yon – hehehehe) and you will gain many friends and influence people as well.

    ingat and habaseyptrip!
    jay

  11. ate sassy,

    hehe… bakit di full body shots? wala kasi akong underwater camera. at saka baka pagalitan ako ng mga ladies dahil baka makita ang kanilang mga sexy bodies.

    The Ca T and Ate Sassy and Doc Emer and Tito Rolly… naku napasubo ata ako. ilan ba ang pupunta? hehe. itatanong ko muna sa boss jet ko. siya ang tunay na master of the house at di ako pwedeng mag proceed pag wala siyang say.

  12. Ninaaaaaaaaaaaaaaaaaaaaaaaaang!

    peborit din namin ni jet ang happy man. intro pa lang ng kanta kinikilig na ako. pinapatugtog ko rin pag may party sa bahay and lahat ng mga classmate ko ay kakanta sa refrain. ang galing nga kaya lang napapaaway ako sa kapit bahay. hehe. kabisado mo pa rin ang lyrics ninang ano – tama ka. the title of the blog is the first two lined of the “happy man” song ng chicago.

    sarap nga ang outing namin. napagod lang si jet at tulog sa kotse habang pauwi kami. enjoy rin dahil pareho naming 1st time ni jet mag swimming sa singapore. ang saya nga – sana nakita mo si jet lumangoy ng paatras. tapos sana nakita mo rin yung butterfly na backstroke ko.

    ingat diyan – miss na namin kayo ni jet. sana talaga malapit lang kami diyan ano?

    jay

  13. Ninaaaaaaaaaaaaaaaaaaaaaaaaang!

    peborit din namin ni jet ang happy man. intro pa lang ng kanta kinikilig na ako. pinapatugtog ko rin pag may party sa bahay and lahat ng mga classmate ko ay kakanta sa refrain. ang galing nga kaya lang napapaaway ako sa kapitbahay. hehe. kabisado mo pa rin ang lyrics ninang ano. tama ka. the title of the blog is the first two lined of the “happy man” song ng chicago.

    sarap nga ang outing namin. napagod lang si jet at tulog sa kotse habang pauwi kami. enjoy rin dahil pareho naming 1st time ni jet mag swimming sa singapore. ang saya nga – sana nakita mo si jet lumangoy ng paatras. tapos sana nakita mo rin yung butterfly na backstroke ko.

    ingat diyan – miss na namin kayo ni jet. sana talaga malapit lang kami diyan ano?

  14. salamat ulit sa pag comment mo tingaling. kamag anak mo ba si dingdong avanzado? hehe joke lang. saan ka ba naka base? marami kasing mga OFW sa taiwan, japan at singapore kaya doon ang mga flights na fully booked. during xmas time nga masaya sa loob ng eroplano dahil lahat sabik sa paguwi. malamang na experience mo rin yon.

  15. kamusta mari – “hehehe” ka rin!

    hi yasmin.

    kamusta nang balik-bayan? i hope you’re not too disappointed sa inabutan mo sa pilipinas after your oxford break. it could get that way sometimes especially after a heady experience at a great place abroad. now you know what rizal might have felt when he was exiled in dapitan. but, in spite of everything, i hope your friends are keeping you company. iba pa rin ang pilipinas – it may be the shittiest place on earth, but it’s home. at sabi nga ni toto kay dorothy – “there’s no place like home”.

    take care!

  16. Wala namang problema saken kung sa bahay ang EB mylab. Basta pagpapasensyahan lang nila kasi maliit lang ang bahay natin tsaka minimalistic lang ang ayos dahil nga wala naman tayo dun.

    But with great company, food and music, that shouldn’t really matter… err… I think… hehe. šŸ™‚

  17. gudapternun mylabopmayn!

    bago ang lahat, eto ang aking reminder para sa iyo: magpahinga ka na! tulog ka ngayong hapon para masarap pakiramdam mo.

    thank you mylab. sige imbitahin natin din sila sa bahay. kaya lang small crowd lang para magkasya sa bahay. saka na lang siguro after the 1st meeting.

    ano sa tingin mo?

  18. Kahit saan nyo ko yayain, sama ko. Wag lang sa Singapore at wala akong pamasahe, ha. At kung pot luck, sabihin nyo lang kagad sakin para makapag-prepare.

    kung gusto nyo pa, christmas party get together ng mga bloggers, okay pa rin ako.

    Mahilig ka rin pala sa Chicago ha.

  19. E di kung big crowd, dun tayo sa clubhouse… poolside pa. Ewan ko nga lang kung may makapagswimming sa lamig. At tsaka, malamang bitbit natin lahat, silya, lamesa, ihawan at pati sound system dahil lupa at tubig lang naman ang meron sa clubhouse na yon… hehe. šŸ™‚

  20. hi batjay. mukhang enjoy na enjoy kayo! inggit ako sa picnic nyo. tagal na naming di nagagawa yan, ang lamig-lamig kasi dito! ang sarap ng handa nyo sa picnic ah at crispy pata, miss ko na yan!!!!!

  21. Ooopss, jay di ko kaano-ano si dingdong avanzado pero may pagkahawig ako kay kring-kring. dito ako sa west coast. napunta lang sa jakarta kasi ang aking sis-in-law doon nagtratrabaho-di dh ha, sa Ernst & Young naman..tagatulak..hehe..pero aking tinedyer napunta na sa sentosa at sa butterfly gardens daw..lulang-lula nga siya sa mga malls niyo dyan, eh dito naman puro outlets lang. siya, have fun sa triathlon(nga ba yon) mo sa weekend.

  22. hi again tingaling. dati sa west coast din kami nakatira malapit sa jurong pero lumipat kami sa east coast nung nag transfer sa changi ang office namin. mas maganda sa east coast ng singapore dahil mas friendly para sa mga residents.

    hi mec! sa dampa – yun ang seafood place sa may roxas blvd. tama ba?

Leave a Reply

Your email address will not be published. Required fields are marked *