Magpunta ka sa tindahan sa tapat, magpalit ka ng balat

tuwing naririnig ko ang “reklamo ng reklamo” ng jerks eh parang kinukurot ang puso ko. halos araw-araw pa naman ata eh pinapatugtog ko ito dahil isa ito sa aking paboritong kanta kaya every now and then eh mayroon akong mga little heart attacks.

Kay dami ng problema
ang iyong makikita
Ngunit ito’y lalala pa kung aalis ka
Pagkatanggap ng pagkatalo
Kung ika’y tatakbo
At kung ikaw’y susuko
Puri mo’y ilako

pakiramdam ko kasi minsan, ako yung binabanggit ni chikoy sa kanta na tumanggap ng pagkatalo’t hindi na nakayanan ang hirap ng buhay sa pilipinas at umalis. sinasabi ko na lang sa sarili ko na kailangan talaga na nasa abroad dahil marami kaming tinutulungan na mag-asawa. iniisip ko na lang na kahit nasa ibang bansa kami ay ipagmamalaki ko pa rin ang pagka pinoy ko. hindi naman talaga pwedeng ipagkaila kasi pinoy na pinoy talaga na dating ng kutis betlog ko. kaya nga sana eh hindi ako magka stiff neck para makalingon ako sa aking pinanggalingan.

may mga nakikita kasi kami rito sa amerika na mga pinoy na mas amerikano pa sa mga amerikano. iba na ang ugali lalo na pag kapwa pinoy ang kaharap. case in point, nung nag actual test ako sa pag maneho, yung instructor kong pinoy ay medyo naging extra harsh sa akin. mataray – walang “hello” walang “good morning”. hindi ko alam kung kulang lang siya sa sex o baka gusto lang niyang ipakita na wala siyang special treatment sa kalahi niya. hindi naman ako humihingi ng extra favor. gusto ko lang tratuhin niya ako ng katulad ng pag trato niya sa kulay puti ang balat. naalala ko tuloy si donya victorina, yung character sa noli na nagpapanggap na mestisang kastila.

ewan ko. siguro sensitive lang ako. iniisip ko na lang, huwag naman sanang magbago ang ugali ko rito. sana kahit magtagal kami rito ay ma retain ko pa rin ang ugaling pinoy – malambing, mahilig makipagkulitan, pasensyoso, punong puno ng karinyo, palangiti, palasayaw, palakantot.

34 thoughts on “Magpunta ka sa tindahan sa tapat, magpalit ka ng balat

  1. palakantot. hehe! ayuz!

    isa rin sa mga paborito ko yang kantang yan. last month nagawi ako sa bistro, sakto at the jerks ang tumugtog. ayuz!

    sya nga pala, si Pia siguro ang youngest “reader” ng libro mo. naka post ang picture sa blog ko. hehe!

  2. Ka-BJ pansin ko panay sentiments about working overseas ang sunod-sunod na posts mo… I went thru the same phase. Minsan I still feel guilty. When I took the British Citizenship oath I felt like a traitor. But then it’s not just for me, it’s for my son.

    Si GMA nga nang magpunta dito some years back had the gall to tell the DH in her presence not to go back home. She said “stay here & send money home, there’s no work for you back there”.

    Totoo ka magaling masyadong mag-adapt ang ibang Pinoy. Dito may clan kaming laging nakakasama sa party. Though lahat sila pinanganak at lumaki sa Pinas, grabe ang British accent. Sabi nga ng Tatay ko nung na-meet nya dito, mas thick pa daw yung accent nung mga yun kesa sa mga puti na neighbour namin.

  3. i’m not really in any phase. OFW ang theme ko ngayon week – in part kasi ang topic namin ngayon sa “Rebels without Because” ay tungkol sa pag-alis or pag-stay sa pilipinas. pag may oras ka bisitahin mo ang http://www.blogkadahan.com/blog/ and read the stories of the 30 and 40 something about the struggles and triumphs of those who chose to leave and those who chose to stay.

    tama ka, adaptable ang mga pinoy. may trasference agad minsan nga lang eh too much. i don’t blame them. in a way, you need to embrace the culture of the country you’re in.

  4. bagong graduate pa lang ako, bago sa pagtuturo, at talagang ramdam ko ‘yung hirap ng pera sa pilipinas. hindi ko ipagkakailang parte ng mga plano ko ang umalis din papuntang ibang bansa para magkatrabaho. at naniniwala ako sa prinsipyo nyo, na hindi naman talaga pagtalikod sa bayan ang pagpunta sa ibang bansa. sa kaso ko bilang titser, isang hamon sa amin ngayon, o sa akin, na maipagdikdikan sa mga estudyante kung sino ba ang tunay na pilipino — ang mga katangiang dapat nilang taglayin saan mang bahagi ng mundo sila mapadpad– btw, paano ko kaya sasabihin ‘yon: “Class, ang pinoy ay palakantot…” Hehe…

  5. sir batjay, akma sa akin ang mga sulat mo ngayon. kasi first time ko sa mag-work sa ibang bansa (nasa shanghai ako ngayon) at iniisip ko lagi kung tama nga desisyon namin ng kumander ko. pero lagi kong iniisip na temporary lang nga ito.. para din sa pamilya ko.. hay buhay.. bakit kasi di natin kayang kumita ng malaki sa pinas para di na kailangan umalis eh..
    eniwei.. ipapadala ko rin picture ko with KT book mo sir.
    nga pala.. diba punta ka rin ng china? kelan po?

  6. ilang taon k n b dyan ngtatrabaho abroad?

    sana makabili na ko ng libro mo. wala kasi sa book for less nung bumisita ako e.

    ok lang bang i-add mo ko as 1 of your links? parang wala kc ngbabasa ng blog ko e. thanks

  7. hehe mas amerkano pa sa amerkano… nakakahiya naman sila.

    I know you won’t be like them as your patriotism is without question. Kitang-kita sa mga isinulat mo na maalam ka talaga sa buhay pinoy. May your tribe increase ika nga.

  8. di naman siguro pagtakas ang pag-alis sa pilipinas. “paghahanap ng solusyon” ang tawag don, at lalo sigurong lalala ang problema ng pilipinas kung walang mga OFW.

  9. yun nga – pagdiskarte, paghanap ng solution. pag may mas magandang offer, pag may opportunity para sa mas magandang buhay, siyempre doon ka pupunta. ingat ka ruth.

    hehey – tito rolly. ang maganda ay may mga pinoy rito na pinoy pa rin tulad nina tatang rome, ate sienna, si gigigoes gaga, jmom na na meet na namin.

    5 years, 3 months, 1 week na akong abroad. hindi pa masyadong matagal para matanggal ang pagkapinoy.

    hi roamee – ingat ka sa shanghai pare ko. marami bang lumpia diyan? i love shanghai – ang daming makikita at mabibili. pangit nga lang pag summer dahil bwakanginang sobrang init. nariyan ako sa end of november for a few days.

    junjun, good luck sa pagtuturo. sana maging meaningful ang trabaho mo. mag ingat ka rin lang sa mga sinasabi mo online dahil maka i-reklamo ka ng mga parents ng estudyante mo. ingat.

  10. musta na sa inyo ni jet? di ba kayo naabot ng usok ng sunog ( na naman ) jan?

    ako di ko na pinag papapansin mga penoy dito na mas matigas pa balat sa amerkano..mas papansinin mo, mas maiintriga ka and syempre okay sa kanila kasi pinansin mo…actually di tayo tumanggap ng pagkatalo dahil umalis tayo to get a better life abroad, ginamit lang natin isip natin na di natin magawa sa sarili nating bayan kahit mamatay tayo sa kaka trabaho…
    anyway, pinoy is still pinoy kahit saan mapunta and hindi maikakaila..

    Tony
    houston,tx

  11. bosing,naalala ko tuloy ang Mayric’s. lagi akong pumupunta dun para makinig sa jerks, cocojam, binky lampano, etc.. nung nasa manila ako. 15 yrs
    na rin akong kumakayod dito sa tate pero pusong pinoy pa rin. ang maganda lang naman dito ay nabibili mo ang hindi mo kayang bilhin sa pinas. plus, nakakatulong ka pa sa pamilya. praktikal lang naman ako eh. uwi ako sa dec 28. saan ba ako makakabili ng libro mo outside manila? taga probins op iloilo po kasi ako. hirap ngang managalog. kaya pag nag comment ho ako in english next time, pasensiya na. naubos ko na yata ang aking tagalog vocabulary dito eh.

  12. salamat sa pag comment mr. chorizo. batang mayrics ka pala. sarado na ata yon. last time ako naroon, over 10 years ago. national bookstore carries my book – i’m sure mayroon branch sa iloilo. ingat.

    hi tony. dami ngang sunog dito – sunod sunod dahil sa santa ana winds. pero malalayo naman kaya hindi kami worried. pili rin ang kaibigan namin dito. most of the time we keep to ourselves and our small group of friends.

  13. Hello BatJay, ganyan talaga kung nasaan ka kelengan matuto mag adapt kung di maiiwan.Kaya ka nga nandyan para sumabay at makatulong.Di bale kung tumigas na accent mo ok lang yun, basta ba sa puso at isipan mo mahal mo parin ang Pinas

  14. Hello Batjay!

    Ang tagal kong hindi nakabasa ng blogs mo kasi nagsunog ako ng kilay some more (to match my sunog na balat..hehe) at tapos biglang naging working girl na. Hindi na rin nga ako maka-blog sa aking site…hay.

    Anyway, nagpabili ako ng iyong akda sa isang Pinoy na umuwi sa atin. Kukunin ko sa Linggo…yehey!
    Labs,

    Ang iyong giliw na mambabasa sa may ilalim ng mundo 😉

  15. mayrics espana b ang tinutukoy mo benchorizo? d p ko nakakapasok dun pero nung nag-aaral p ko sa manila, bago grumaduate nung 2005, bukas pa. d rin kc agad madidistinguish na dausan ng mga gigs ang lugar na yun, unless pag gabi na

  16. hello sir…i got curious with your blog kasi po lagi syang nauuna sa webpages na nakalista sa yahoo pag sini-search ko ang word na “tambay at siraulo”…hehe and then I got hooked because of the entertaining things I get to read…salamat po..I also bought your book at Filbar’s and read it…it’s a great coffee book..kakahiya nga natawa ako at nabugahan ko ng kape ang katapat ko sa table habang nagbabasa nito…thanks so much for the laughs sir! Kudos to you:)

  17. namiss ko na ang the jerkz … uhmmn wala yang pinay na yan sa nakaharap ko nung linggo, pinay DH sa Hongkong dati nakapag-asawa ng australyano , ang babae amp! sabi ng sabi kandalitaw ang litid, I don’t like Filipino with matching sali saliwang ingles …. e halos lahat kami pinoy yung asawa nya lang mukhang oz, maya-maya binutata na namin siya ..nagalit nagwala sa Sentosa lahat tuloy sa amin nakatingin. tsk tsk tsk tsk!!

  18. sir batjay.. daming lumpia dito.. pero diko pa nata-try.. ang na-try ko yung siopao sa kalsada.. DABEST! start na ng winter ngayon kaya kalamig-lamig (eh galing ng pinas eh).. san pala kayo sa shanghai?? nakatira ako sa wangbang sa may longyang station.. malapit lang sa pudong int’l airport.. sana makita kita dito sa shanghai!

  19. ah malapit ka pala sa pudong. alam ko yang area na yan. medyo malayo sa venue ng event namin. pero pag nakita mo akong tatanga tangang naglalakad sa kalsada sa shanghai, kalabitin mo na lang ako. ingat.

    ma mon luk sa chicago? how kyul. walang problema sa pagkanta. bibigyan ko sila ng chinese version ng my way via magic sing karaoke.

    hahahahaha… ano ba ang sinabi ninyo at nagwala. kayo naman kasi, sana pinabayaan nyo na lang mag rant. pag walang pumansin, titigil din yon.

    IBALIK! kailan ka bababa ng southern cal, pare ko? timbre ka lang. naalala ko tuloy yung sinabi mo nung kumakain tayo – yung mga pinoy rito (lalo na yung mga bagets) ay curious sa kultura nila at gumagawa ng paraan para maintindihan kung saan sila galing.

    hi melay. maraming salamat sa pagbili ng libro. medyo naawa ako sa tinalsikan mo ng kape pero sana ay guwapo ito kasi siguradong aamo siya sa iyo kasi tumalsik sa kanya ang laway mo. ingat at hanggang sa muli mong pagbalik.

  20. wala ang sabi lang nung kasama namin … kasi prospect business partner ng kasama namin yung asawa nyang australyano … sabi nya you know girl .. I love your husband .. but I better not invite you again next time lol!! nagwala

  21. ganun talaga buhay e, sabi nga wag mong ginagago ang mga pinoy sa labas ng pinas kundi mas lalo kang magmumukhang gago … lalo na kung kapwa pinoy ang nanggagago diba? e apat na beses na palang nagwawala yun sa tuwing magkikita sila pag nakakainom e.

  22. that’s one aspect of living abroad na hindi ko maatim hanggang ngayon pero kahit papano, natutunan ko nang tanggapin kahit masakit. am i being malabao again?

  23. hahaha, natawa ako dun sa kulang lang sa sex kaya mataray ang instructor. nawala na ba ang pinoy trait niyang pagiging pala***tot?

    may CD ka ba ng the jerks? tagal ko ng naghahanap nyan dito, wala ako makita…

Leave a Reply

Your email address will not be published. Required fields are marked *