Beyond the horizon it is easy to love

dear mommy,

kamusta ang pasko ninyo sa pilipinas? sayang, hindi kami nakatagal diyan. kung di lang dahil sa duty si jet nung pasko at sa bagong taon, sana nariyan pa kami. kung diyan kami nagpasko, mag re-request sana ako sa iyo na magluto ng paborito kong morcon. naalala ko nung araw, parating mayroong morcon kahit panay ang reklamo mo na napakabusisi nitong gawin. naiisip ko nga na kasama sa sarap ng pagkain ang reklamo sa hirap nitong gawin. bakit mo ba ito ginagawa taon-taon na lang kung mahirap itong gawin? ang naiisip ko lang na sagot ay dahil mahal mo kami.


narinig ko na naman ang iyak mo nung tumawag ako sa iyo nung paalis na kami. pinipigil ko ring umiyak kasi ayokong marinig mo ang boses ko na malungkot. bakit nga ba kailangang umalis kami kung nariyan kayong lahat na mga mahal namin sa pilipinas? iniisip ko na lang pa parang morcon mo ang byahe naming ito. ginagawa namin ito kahit mahirap dahil sa pagmamahal.

o siya, happy new year na lang at ikamusta na lang po ninyo ako sa lahat ng bumibwisita sa inyo itong kapaskuhan. pilitin natin na makadalaw ka rito next year.

punong puno ng pagmamahal,
jay

23 thoughts on “Beyond the horizon it is easy to love

  1. Happy New Year po Kuya Batjay.. napakalalim ng iyong liham at puno ng emosyon..namiss ko din ang mommy ko, magaling din magluto tulad ng mother mo.
    Mahirap talagang mawalay sa mga magulang, lalo pat sa ganitong panahon.

    ingats & May the Lord continuously pour upon you and Ate Jet more blessings this coming year & always.

  2. nanay na lang ang meron ako, nakakalungkot na 4 years ko na syang di nakikita, buti na lang merong telepono para makausap ko sya. kagaya mo, mahal ko nanay ko kaya ko nandito.

    you are a very good man. mabuhay ka batjay!!! happy new year to u and ur wife

  3. hi siocs. ako rin, matagal nang namatay ang daddy ko. miss ko na nga rin siya pero ngayon – ang mommy ko na lang ang parati kong naiisip kasi 83 na siya.

    hi lilian. matagal tagal na rin palang hindi mo sila nakikita. sana makauwi ka na rin.

    hi jfs. salamat sa pagdalaw. happy new year din sa iyo. yung mommy ko, magaling din magluto kaya lang ngayon medyo makakalimutin na kaya mas mahirap para kanya.

    ano pa hinihintay mo koro, tawag na!

  4. at yan din ang dahilan kung bakit babalik at babalik tayo sa Pilipinas kahit gano kakulit ang trapik dun, kasi kailangan nating magbaon ng mga memories para makatagal tayo ulit dito ng 1-2 years… para sa mga mahal natin

    it’s a cycle, oh yeah… not the vicious one though

  5. Hi KB – The line that got me all choked up was this: “iniisip ko na lang pa parang morcon mo ang byahe naming ito. ginagawa namin ito kahit mahirap dahil sa pagmamahal.”

    I always get so sad during the holidays; I think it’s because deep inside, I know where my home really is.

  6. Kitang-kita ko sa mga panulat mo kung gaano mo kamahal ang iyong ina. Always treasure the times you are together. These are very valuable. Hindi lahat ng panahon ay kasama natin sila. i was so close yet so far with my mother. I wasn’t in her deathbed when she passed away. We never got to celebrate Christmas together and yet she was an hour drive away. I failed to see her for the last Sunday that she was alive for I thought I was busy living my life.

    Your mother is very fortunate for even if you are far away, she’s always in your thoughts.

  7. naiyak naman ako. haay tumatanda na mga magulang natin. takot na akong isiping….

    —-
    hi ate jet! duty ka pala pasko’t bagong taon. ganun din si alf…di nya nga daw naramdaman ang pasko.

  8. naiyak ako! seryoso, ito yata ang blog mo na masyado akong affected! wala na kse akong mother. yan til now umiiyak ako. grabe! you & your mother are so lucky to have each other. it’s true that after all..saan man tayo mapunta, still..home is where your heart is.

    happy new year!

  9. hi aleth.

    happy new year din sa iyo. sorry – di ko naman ibig magpaiyak. na miss lang namin ni jet ang pamilya namin sa pilipinas. lalo na ang mommy ko kasi 82 na siya at parati ko na lang inaalala. hirap ng malayo. daddy ko, matagal nang nawala – nami miss ko rin siya at hindi ko na pwedeng makita kaya naiintindihan ko ang nararamadaman mo.

  10. batjay,

    i know..it’s not your fault sir! carried away lang ako 🙂
    that’s how effective you are in writing your posts, it touches your readers’ hearts. nakaka-relate ba! senti kse tayo pag holiday season at malayo sa ‘tunay na bahay’ natin.

    all the best to u & ur wife!

  11. nanay mo ba talaga si Metring David? If so, then that explains kung bakit super galing mong sumulat at magpatawa…. Gosh, you never fail to cheer me up. Ginawa ko na ngang theraphy ang magbasa ng mnga panulat mo lalo na kapag malungkot at bagot ako….

    Salamat para sa kaligayahang dulot ng iyong mnga panulat…

    Ma-ane

Leave a Reply

Your email address will not be published. Required fields are marked *