Bionic Womam

dear mang boy,

tapos na ang operasyon ni mommy at nasa daan na patungo sa paggaling. para sa mga hindi sumusubaybay sa kanyang mga karanasan: nilagyan ng bakal ang naputol niyang buto sa kaliwang hita, kaya’t bionic woman na ang tawag namin sa kanya. nawala na rin ang epekto ng anesthesia kaya hindi na niya inaakalang nagluluto pa rin siya ng tortang patatas sa ospital.

sa ngalan ng aking dalawang magagandang kapatid, Emmy San Jose at Ester Brown, nagpapasalamat kami sa mga doctor niya, lalong lalo na kay Doktor Enriquez na nag-opera sa kanya, at sa kumpare kong Ags GameFarm Doktor Boyet Silverio na nag-askikaso sa kanya. Salamat din sa mga nurse at lahat ng mga miron sa Marikina Valley Hospital – papainumin ko kayong lahat pag uwi ko sa May.

nasa ospital pa si mommy Angela David kaya pwede pa kayong dumalaw. pasayahin naman ninyo siya, para sa akin.

kampai!
unkyel batjay

The Last Jedi – What the Fuck Disney?

you make me wait two years for The Last Jedi and you give me this? next time Disney, get Tarantino to direct the next Star Wars movie

like a clock whose hands are sweeping

Untitled

ang buhay ay parang chubibo, sabi ni mang boy. kung minsan, nasa itaas ka, kung minsan naman ay nasa ibaba. walang patid ang pag-ikot hanggang sa matapos ang sakay at masulit yung ibinayad mo sa takilya. mas maganda kung ikaw yung may hawak ng kambyo ng makinang nagpapa-ikot sa chubibo, ang dag-dag pa ni mang boy. ikaw ang may kapangyarihan kung sino ang nasa ibaba at kung sino ang nasa itaas, ikaw rin ang mamamahala kung anong bilis ang takbo ng gulong.

pasaherong bata sa eroplano

pag nasa eroplano ako’t may nagsasalita o umiiyak na bata, tinitingnan ko agad ang mga kasama kong pasahero. dalawa lang naman ang reaksyon nila: kukunot ang noo o ngingiti o matutuwa. dito sa amerika, maraming mga pasahero ang ayaw na may katabing bata. ako? ok lang na umiyak o madaldal na bata. ang ayoko lang ay kung may bata sa likod ko’t tinatadyakan ang silya ko. putangina, yon ang nakaka-asar.

may mga pangako pang tutuparin at milya pang biyahe bago pumikit

nagtapos ako ng kolehiyo nung 1988. pinalad naman akong makakita agad ng pagkakakitaan. nagbakasyon lang ako ng isang buwan tapos kayod na agad. di pa ako nagpahinga kahit minsan, di kasama siyempre yung mga bakasyon paminsan-minsan. dalawampu’t siyam na taon na pala. malapit na akong mag limampu’t dalawang taong gulang. at matagal pa bago ako magretiro. sana patuloy pa rin ang suwerte ko sa aking hanap-buhay. sana magpatuloy pa rin ang suwerte ko sa buhay.

 

Groper of Pussies

From GOP (Groper of Pussies) 

to GOP (Groper of Prepubescents) 

My spirits to attend this double voice accorded

muli na naman tayong magbalik-tanaw sa mga ala-ala na bigla na lang sumusulpot pag nangungulangot. ito’y pagpapatuloy sa ating drama series na pinamagatang “The Corny Jokes of Childhood”.

summer of 1977, isang gabi sa tambayan ng mga jeproks sa barrio talipapa, novaliches:

CORNY JOKER: pare, ano sa english ang “Ibigay mo ang lata kay Tan?”

MIRON: ano?

CORNY JOKER: give the can to Tan

THE END. ang pagbabalik tanaw na ito ay handog sa inyo ng “RUBY BLADE POMADE. ang pomada ng mga nag-aahit“.

I keep a close watch on this heart of mine

ang sabi sa mga health manual na kumakalat dito ngayon, kailangan mo raw maglakad ng 10,000 steps araw-araw para siguradong makita mo ang titi mo tuwing iihi ka (kung lalaki ka, siyempre). nakakaliit daw kasi ito ng tiyan. personal experience tells me na tutuo ito pero duda ako na kayang maglakad ng mga taga rito ng 10,000 steps a day, especially dito sa california kung saan kailangan mo pang gumamit ng kotse para pumunta sa sari-sari store, pag nautusan ka ng asawa mo na bumili ng suka.

Continue reading

LITTLE BOXES

eto ang kwento ng “weeds”: mayroong pamilya galing sa isang suburb ng california ang nabubuhay ng masaya hanggang isang araw, bigla na lang bumulagta si husband dahil inatake sa puso. para masuportahan ang dalawa niyang anak, nagsimulang magtinda si wife ng marijuana sa kanyang local community.

kung ako ang tatanungin, isa ang “weeds” sa pinakamagandang palabas sa cable TV ngayon. rent the first season DVD during the holy week break – you won’t regret it. nandito ang lahat ng hinahanap ko sa isang palabas: nakakatawa ang drama, may nudity, nakakalibog ang sex and the music is so fucking great.

Ang Dasal ng Taong Walang Diyos

panoorin ninyo ang “Sino Ako” – ang una kong music video.

dedicated para sa lahat ng mga tamad na sumulat sa akin at nag re-request ng lyrics at chords ng kantang ito na hindi ko napagbigyan dahil wala akong oras. bwakanginangyan, bumili na lang kasi kayo ng songhits sa national bookstore.

at siyempre para kay jet na parating naiiyak pag naririnig niya itong kinakanta ko.

MANANANGGAL’S REVENGE

MAHALAGANG BALITA… “di-dit-ditdididit” (sound epeks na morse code na ginagamit sa radio news). TIME CHECK…ang oras sa buong kapuluan: limang minuto, makaraan ang truck ng basura. ang oras ay hatid sa inyo ng “Ruby Blade Pomade, Ang Pomada ng mga Nag-aahit!”… ding-dong (doorbell sound epeks ng time check)

Garlic Research Shows No Effect on Cholesterol. Although garlic and garlic supplements are widely promoted as cholesterol lowering agents, a randomized study published Monday has found no evidence that garlic works any better than a placebo in reducing blood lipid concentrations.


packingsheet, kain pa naman ako ng kain ng bawang para bumaba ang cholesterol ko. wala naman pala itong ibinibigay sa akin kundi bad breath, malasang ulam at protection laban sa aswang.