hubad-hubad

3574638555_b3a3a423df_onung bata kami ni Dennis Dalusong, parati kaming nakahubad (oo mang boy, once upon a time, lumakad kaming hubo sa mundong ibabaw). mainit kasi sa pilipinas at sa tingin ko, gustong ipakita ng mommy ko ang katawan naming pang romansa at ang kili-kili naming may libag.

naalala ko pa nung kinuha ang larawang ito. kung di ako nagkakamali, ihinatid namin sa airport si tiyong anas, ang uncle kong matulis. pupunta siya sa barko niya.

merchant marine si tiong anas. pogi, matangkad, chick boy, nakakatawa. siya yung tipo ng lalaki na lapitin sa mga chicks at kung ika’y lalaki, gusto mong kaibiganin. malapit siya sa daddy ko at idol ko silang dalawa.

kakamatay lang ni tiong anas. kung may dako pa roon, siguro kasama niya ang daddy ko ngayon. nambababae siguro  ang mga matutulis.

mahal ng diyos ang lamok at surot

dear mang boy,

aaminin ko na nagpalit na ako ng paniniwala simula nung di masagot ni pastor ben ang tanong ko tungkol sa lumang tipan. tinanong ko kasi kung bakit sa dinami-dami ng mga hayup na pwedeng isakay sa arko ni noah, bakit pinayagan ng diyos na isali ang mga lamok at surot.

nagmamahal,
unkyel batjay