nagulat siya ng may babaeng dumalaw sa bahay na may dalang bayong. “nagbebenta kaya ito ng puto?”, naisip niya. nagulat na lang siya ng binuksan ng bisita ang bayong – puno ito ng pera at nagtatanong kung pwede raw bang bilhin ng cash ang bahay.
oo, sabi niya, basta raw may kasamang niyog.
matagal din siyang natigilan
habang pinagmamasdan
ang larawan ng halamanan.
bumuhos sa kanya
ang patong-patong na ala-ala
ng walang hanggang pagtitipan,
inuman,
kaibigan.
sampung minuto nang naglalakad ng pabalik balik si michael sa kusina, hindi pa rin niya naalala kung bakit siya nagpunta roon. kailangan ba niyang magtitipla ng kape o maghugas ng pinggan? sa huli, naglaga na lang siya ng kamote.
nung first year ko ng college sa mapua, 35 pesos per unit ang singil sa akin. wala pang isang libo per sem. hindi ito nagbago haggang nagtapos ako 5 years later. ngayon daw, apat na ang semester nila per year at hindi bababa sa 100,000 peses per sem ang ibabayad mo. tanginangyan, siguro ang nakakakapag aral lang ngayon doon ay yung mga anak ng mayayaman, drug lord, OFW, mga nagsanla ng lupa at mga magnanakaw.
consider this: yung binayad ko ng limang taon ng college ay 10% lang ng binabayad nila sa isang sem ngayon.
bakit ba yung mga religious na group na may fastfood chain dito sa amerika, tulad ng chick-fil-a, ang may masarap ng pagkain? siguro may kasamang dasal yung pagluto nila. ang problema lang sa chick-fil-a ay sarado sila pag linggo. sabi kasi sa 3rd commandment: thou shall not eat chicken on the sabbath day. jesus h christ.
h, stands for hungry.
hindi na napigilan ni mary na manghinayang pero wala na siyang nagawa – inahit na niya ang kilay niya at hindi na ito pwedeng ibalik
ngayon ang araw na magiging tunay na lalaki si mark. nakatatlong ave maria siya nang lumabas ang nurse at sinabing tutuliin na siya ni doc.
sobrang init ngayon sa bayan ni mickey mouse. tatakbo sana ako ng lunch but chickened out nung salubungin ako ng mainit sa singaw.
sungaw.
tatlong beses nang naihi sa pantalon si rene, hindi pa rin gumagalaw ang traffic. doon niya naisip na dapat nagbaon na lang siya ng garapon
hindi niya maalala kung kailan niya napatunayang hindi tutuong may tutubong halaman sa loob ng tiyan kapag nilulon mo yung buto, pero simula noon ay wala na siyang binubuga pag kumakain siya ng duhat.
5 years old siya nung una niyang maisipang kumain ng apoy. naalala niya ito na parang kahapon lang nangyari: magpapasko noong ininom niya yung laman ng bote ng 7-up na nakapatong sa dining room table. walang nagsabi sa kanya na gaas pala ang laman nito. hindi naman siya namatay (thank god) pero nag ngi-ngitngit pa rin siya hanggang ngayon kasi, hindi pa rin niya nalaman kung sinong gago ang maglalagay ng gaas sa bote ng 7-up.
matagal na niyang idol si samboy lim pero sa letran ito nag-aral kaya si patrimonio ang sinuportahan niya dahil taga mapua siya. pag tanghali, bumibili siya ng tapsilog sa parian gate, doon sa kung saan nagkaroon ng hepatitis ang kaibigan niyang si dave.
balisa si eric. nakadalawang plato na siya ng kanin at isang ulam bago pa umorder ng halo-halo, pero hindi pa rin siya busog. bulate?
nagkakamot siya ng singit nung lumindol, kaya wala siyang nagawa. puro sugat ang kaliwang betlog niya.