The Lowercase N, she’s not lonely anymore

DEAR UNKYEL BATJAY,

NASIRA PO YUNG CAPS LOCK KEY NG COMPUTER KO AT HINDI KO ALAM KUNG ANO ANG GAGAWIN. PURO CAPITAL LETTERS NA LANG ANG LUMALABAS AT NABUBWISIT NA PO SA AKIN ANG MGA KAIBIGAN KO. AKALA KASI NILA AY PARATI AKONG GALIT.

ANO PO ANG PWEDE KONG GAWIN?

NAGMAMAHAL,
GENTLE READER
————————
Continue reading

have you seen the little piggies crawling in the dirt?

tumakbo ako ngayong umaga sa una kong mud run sa camp pendleton. ito yung world famous 10K race na sinasalihan ng mga sira ulong tulad ko na gustong maligo sa putikan. actually, burak yung nilagay ng mga marines sa course. ito yung putik na hindi naligo ng isang linggo. amoy imburnal nga ako pagtapos ng race. pero nag enjoy ako ng husto ang malamang tatakbo ulit ako rito next year. masarap kasing mag liwaliw sa putikan. ngayon, alam ko na kung ano ang pakiramdam ng kalabaw.

ang race time ko ay 1:18:55 – 64th place in the 40-44 age bracket, 566th place overall (4200 ang tumakbo kanina). hindi na masama para sa isang matandang ututeng diabetic, no?

fisherman’s daughter, floatin’ in to my room

may mga autumn days dito sa southern california na malamig pero hindi sapat para magkaroon ng shrinkage effect. tama lang ito para hindi ka makaramdam ng pagod pag tumatakbo o nagbibisikleta. ngayon yon – makulimlim na may kaunting hanging medyo nag-iimbita sa iyong matulog pero siyempre, ang gusto mo lang gawin ay maghanap ng dahilan para makalabas.

Sipang Puwet na Almusal

bumili kami ni jet ng tiyan ng bangus nung sunday sa kapinoyan central sa cerritos at ginawa ko itong daing. patay na naman ang diet. tanginangyan. nagsimila nga ang piyesta kaninang umaga – nagluto ako ng sunny side na itlog, longganiza at brown rice para may kaibigan ang daing na bangus na ginawa ko. tapos naghiwa ako ng kamatis na malutong bilang counter point. ang almusal ay parang symphony.

sarap ng pakiramdam pag nakaka-amoy ng pagkaing pinoy sa bahay. kaunting imagination lang at akala mo nasa pilipinas ka kahit may pacific ocean na naghihiwalay sa iyo sa bayang magiliw.