dear unkyel batjay,
nabalitaan ko po na ipinagbawal ng gobyerno na mag import ng isda galing sa china dahil pinapakain daw ito ng mga chinese ng antibiotics. gusto ko lang pong mag ingat dahil natatakot po ako kasi nakakapag dulot daw ito ng cancer pag kinain ng long term. paano po ba malalaman kung galing sa china ang isda?
nagmamahal,
gentle reader
kung buhay pa ang daddy ko, sana 85 na siya ngayong taon. isa siya sa mga pioneers ng philippine radio. ang pangalan niya ay “uncle nick”. magandang lalaki na may malakas na appeal at makalaglag panty na boses na parang galing sa ilalim ng lupa. mayroon siyang programa sa radyo na tinawag niyang “Maala-ala mo Kaya” kung saan sumusulat sa kanya ang mga tagahanga niya at humihingi ng payo, kadalasan tungkol sa pag-ibig.
nabanggit ko na ba na bunso ako? anim kaming magkakapatid at ako ang pinaka baby sa pamilya. muntik na nga akong hindi pinanganak dahil 42 na ang mommy ko nung lumabas ako sa pwet niya.
medyo gutsy nga yung ginawa nila ng daddy ko na nag decide na mag anak at that late age. nung 1965 kasi, hindi pa ganon ka sophisticated ang late pregnancy. buti na lang at walang adverse side effect na nangyari, maliban sa paminsan minsan ay bigla na lang akong napapakantang mag-isa sa loob ng elevator.
isang buwan na lang tapos na ang lease namin dito sa apartment. kailangang mag decide na kami ni jet in the next few weeks kung itutuloy namin ito for another year or lilipat na kami ng bagong tirahan. milestone din ang lease expiration dahil ito rin ang anniversary ng pag landing namin. ang bilis ng panahon ano? two years na pala kami dito sa america itong darating na august 1st.
ang dami na ring nagbago – nag lose ako ng 40 pounds at si jet ay marunong nang mag drive. dumami ang puting buhok ko pero natuto naman akong kumain ng cereal. nagkaron din kami ng kulay berdeng card last year at na promote ako sa trabaho itong june. dati assistant clerk, ngayon assistant vice clerk.
sana magpatuloy pa ang suwerte para matuloy na yung matagal na naming pinaplano na magkaroon ng sariling bahay sa amerika. sana rin ay may magregalo sa akin ng nail cutter sa paa.
mga paboritong pinakikingan na kanta:
dear unkyel batjay,
tulungan po ninyo ako. mayroon po sa bayan namin na isang sikat na siamese twins. yung isa po sa kanila ay nanliligaw sa akin. ano po ang gagawin ko?
nagmamahal,
gentle reader
tinubuan ako ng sungay during the 80s. nung pumasok ang 1980, 15 years old ako at uhugin. when the decade ended in 1990, i was 25 and irrevocably changed. kaka graduate ko lang at may trabahong maganda. in a year or so, i would be happily married.
i hated the 1980s. di ko kasi gusto ang style ng damit: baston na maong na may zipper sa laylayan, technicolor crayon shoes, spikes, ang buhok ng mga babae ay korteng pagodang di mo malaman.
i loved the 1980s. lahat ng dapat kong malaman sa buhay ay dito ko natutunan. love, loss, lifelong friendships formed, virginity lost, found god, lost god, got education, exciting job, found true love.
pinakamasarap na amoy sa buong mundo:
dear unkyel batjay,
ano po ba ang magandang hobby? wala po kasi akong magawa masyado rito sa bahay at naiinip ako.
ingat po,
gentle reader
isa sa pinaka paborito kong kanta ang “a day in the life“. ang kwento eh, nagbabasa lang si john lennon ng newspaper during a recording session break at bigla na lang niyang pinag dugtong dugtong ang balita to create the lyrics of the song – ie, four thousand holes in blackburn, lancashire, he blew his mind out in a car, etc. sinubukan ko nga ring gumawa ng kanta galing sa diyaryo natin sa pilipinas pero wala. kahit anong pilit ko, hindi ko mapantayan ang genius ng beatles.
